Jean Ferrat hunermendêde fransiz bî û nê rojan de (nê rozû de) dinyaya xo vurnaye.
Jean Ferrat domano tewr qij ê çêyêde (keyeyêde) yahûdî beno. Pîye xo kampê îmha yê nazîyan Auschwitz de canê xo caverdano. No rî ra Ferrat besenêkeno mektebê xo biqedêno. O mektebê xo caverdano ra ke serba may û birayanê xo bigurîyo.
Rew dest keno ci û şîîrê heskerdişî nuseno, nînan ra kilamanê eşqî ano meydan. Badêna kûno (keweno) raya komunîstîye û kilamanê şoreşgeran beste keno. Kilamê ey henî radîkal benê ke televîzyone Fransa zêde wext neşrîyatê kilamanê xo ser yasaxe nana ro.
Kilama xoya tewr namdare “La montagne” (bi kirmanckî: ko) ya ke 5 mîlyonî reyî ameye rotene.
Mordem (merdim) vano qey Ferratî na kilame Dêrsim ser o vato:
“Hende hurdî hurdî welatê xo caverdanê
Welat û bextê xo cayo bîn de fetilîyênê
…
La! Koyî çiqas rindek ê ke…“
