Goreyê xebera Basnewsî ra, ardimkerdoxê Wezaretê Karanê Teberî yê Îranî seba meselanê ereb-afrîkanî Huseyîn Emîr Abdullahyanî da zanayene ke Herêma Kurdîstanî besenêkena bi xo dewleta xosere rono, çike qanûnê bingeyî yê Îraqî rê girêdaye ya.

Abdullahyan îdîa keno ke peynîya parçebîyayîşê Îraqî xirab a. Çapemenîye rê va: “Tayê grûb û sinifê şarî derheqê letekerdişê Îraqî û xoserîya tayê mintiqayan de qisey kenê. Zelal o ke nê kesî bi xo besenêkenê netîceyê nê qeraran bivînê. Fikrê înan ci ra çin o ke peynîya parçebîyayîşê Îraqî do xirab bibo. Îran her îhtîmal de duştê letekerdişê Îraqî û îlankerdişê xoserîyan der o.”