Termînê rotişê telefonê destan ê Apple iPhone 5 beno nêzdî. Aye de paralel kî spekulasyonê asayîşê modelê neweyî iPhone 5 benê zêde. Spekulasyono tewr teze ra gore şîrketê Apple di varyantan vejena.

Ju (yew) varyant, “iPhone light”, varyantêde iPhone 4 (iPhone 4S) fîyatnizm bo. Goreyê tayê blogan ra fîyatê nê varyantî 250 Dollarî yo.

Xebera Wall Street Journalî ra gore iPhone 5 iPhone 4 ra tenêna barî û çîp o. Êlule ra tepîya gerek telefono newe yê Apple bivejîyo pîyase. Ekspertanê marketîngî ra gore Apple wazena ke emser 25 mîlyonî telefonanê xo biroşo.

Heto bîn ra prosesorê iPhone 5 tenêna çîp o, kamera kî bi 8 megapîkselan kamera verêne (5mpx) ra daha rind o. Dergîya ekran heta nika 3,5 înçî bîye, spekulasyonan ra gore modelo newe de bena 4,3 înçî.