Hugo Chávez şî rehmet

1

Serekkomaro Venezuela Hugo Chavez ke hetê zafê hemwelatîyanê xo yê Latîn Amerîka ra sey şoreşger ame dîyene, dinyaya xo vurna. Xebera merdişê Chavezî hetê Nîcolas Maduroyî ra ke nika bî serekkomar verê sîyasetmedar û fermandaranê artêşa Venezuela de ameye dayene. Roja çarşemîye, 05.03.2013, “El Comandante” (Fermandar) saeta 16:25 de nêweşxaneyê artêşe de rîyê kanserî ra merd.

Hugo Chavez 1,5 serran de çar reyî şîbî Kuba ke tedawîya kanserî bivîno. Çend aşmî xebera Chavezî nêvejîaybî, o ra dime ancîya vejîya kamerayan ver û va ke weş o.

Hugo Chavezî welatê Venezuela bi prensîbê sosyalîzmî 14 serrî îdare kerd. Dewlemendîya welatî newe ra vila kerd û xeylê sektorê muhîmî yê ekonomî ard dewlete dest. Merdişê Chavezî ra tepîye, sey wextê serekkomarîya ey de kî, welat hîna di parçe yo: ê ke hetê Chavezî kenê û ê ke duştê Chavezî de vejînê.

 

1 ŞÎROVE

CEWAB BIDE

Keremê xo ra şîroveyê xo binuse
Keremê xo ra nameyê xo binuse