Tedawîya kanserî ra dime, serekkomarê Venezuela Hugo Chavez ancîya cêra ra welatê xo. Bi sey hazaran kesî no munsasebet de amey têlewe.

Chavez, ke xo sey fermandar name keno, des hewteyanê tedawî ra tepîya ancîya dest bi karê xo yê sîyasî keno. Temsîlkarê serekkomarî Mîcolas Maduroyî da zanayene ke “Pêro ekîbê fermandarê Hugo Chavezî tîya r’ o. O weş o û şa bî ke ancîya welatê xo Venezuela der o.” Chavez no taw nêweşxaneyê artêşe ya Caracasî der o. Aşma kanûne ra bi nat Chavezî ra xebere nêvejîyaybî. Ey Kuba de tedawîya kanserî dîye.

Hugo Rafael Chávez Frías serra 1954 Sabanetta de ame dinya. Artêşa Venezuela ra dime kewt karê sîyasetî. 1999 ra bi nat serekkomarê Venezuela yo. Sîyasetê Chavezî çepgiro radîkal û pragmatîst o. O xo rê şoreşgerê Latîn Amerîka Sîmon Bolîvar sey nimûne cêno.

(Resim: www_ukberri_net)

1 ŞÎROVE

  1. Gama mi na xebere finê verên wendbi, waştbi şîroveyêd teberê ci binusî, bivajî no mordem xeylî nêzdîkî mergê yo. La nênuşt. Nika ez el-cezîre ra bonder bena ke o merd. Xisûsîyetêde ecêbe ya hekûmat û rejîmê winasî esta ke rastîyî ra her gam tersnenê. O demo eşkera nêkerdbî ke nêweşîya serekê înan muhîm a. Nika ma musenîme ke nêweşîya ci encamêd da.

Comments are closed.