Heyeto ke parlamenteranê Partîya Demokratîk a Şaran (HDP), Partîya Demokratîk a Mintiqayan (DBP, raver ra BDP bî) û Kongreya Komelê Demokratîkî (DTK) ra yeno pêra, seba munaqeşekerdişê serebûtanê Kurdîstanî, şî Kurdîstanê Başûrî.
Beşdarê heyetî HDP ra hemserekî Selahettîn Demîrtaş û Fîgen Yuksekdag, parlamenterê HDP Nazmî Gur û Erol Dora, hemsereka DTK Selma Irmak, hemsereka DBP Emîne Ayna û hemsereka Federasyonê Êzîdîyan ê Ewropa Leyla Ferman ê. Heyet şî Herêma Federal a Kurdîstanî ke serûbatanê hêrişê rêxistina terorîste “Dewleta Îslamî” (DÎ) û rewşa Şengalî ser o vindê.
Melumatan ra gore heyetî şodir Keyberê Xabûrî ra sînor vîyarna. Verê veran, heyet bi selahîyetdaranê KCK Qendil de yeno têlewe. Dima, heyet vîyareno Hewlêr û Silêmanî ke uca bi selahîyetdaranê hukmatê Herême kom bibo.
Mewzûyê ke yenê qisey kerdene, kongreyo neteweyî, seveknayîşo muşterek û yewîya kurdan ê.
