Skoçya de seba xoserîya xo Brîtanya ra, roja 18. êlule de yew referandum yeno viraştene. Tarîx de reya verên a ke terefgirê xoserîye anketan ra gore bi para % 51 ver de şonê.

Eke skorê referandumî sey anketî bivejîyo, Skoçya otomatîk Yewîya Ewropa û NATO ra kî vejîna. Seba ke o taw bena welato newe, gerek newe ra muraceat bikero.

Skoçya heta nika Londra ra îdare bîye, labele xeylê hunerî destê skoçyayijan de bîy, sey ekîbê futbolî yê neteweyî, alayê neteweyî, sîstemê neteweyî bi ziwanê Skoçya, parlamentoyo cayî ûsn. Ney ra dot Skoçya serra 2007 ra tepîya ceribna ke xoserîya xo bicêro xo dest.

Bi cêrabîyayîşê Skoçya, Brîtanya bacê wîskî ke Skoçya her serre arê kena, kena vîndî. Na hûmare serre de 1 mîlyar Paund ra zêde r’ a. Problemêde bîn kî çekê nukleerî yê Îngilîstanî yê. Gerek 160 botê binawe bi roketanê nukleeran îlankerdişê xoserîya Skoçya ra dime cayê xo bivurnê. Mesela bîne kî çimeyê petrolî yo ke nêzdîyê Skoçya der o. Skoçya wazena ke no petrol tena seba welatê xo bixebitno.

1 ŞÎROVE

  1. Her biji Skocya. Niyade sarri cutir kara xore niyadano. Iye ma hona ju mektebe kirmancki cino, vane birayiya sarri, demokratik memokratik otomatik… Siyasete niya virajina, na gamede cevabe kurdan tedero ke, ma caye besenikeme ke welate xo bixelesnime.

CEWAB BIDE

Keremê xo ra şîroveyê xo binuse
Keremê xo ra nameyê xo binuse