Goreyê melumatê spîkerê dîwanê serekîye yê Herêma Kurdîstanî Dr. Fuad Huseyînî ra, cengê duştê rêxistina terorîste Dewleta Îslamî (DÎ) de heta nika 150 pêşmergeyanê canê xo day, dorê 500 kî bîy dirbetinî.

No bîlanço yew konferansê çapemenîye Hewlêr de ame eşkera kerdene. Kombîyayîş de wezîrê karanê teberî yê Îraqî Huşyar Zebarî kî estbî. Zebarî seba destekê DYA înan rê sipas kerd, dima va ke bi hetkarîya hewayî ra binkewtişê DÎ qetî yo, tena mesela wextî ya.

Roja bîne kî serekkomarê Îraqî Fuad Mahsûm û serekê Herêma Kurdîstanî Mesûd Barzanî amey têlewe. Mesûd Barzanî da zanayene ke “DÎ rêxistinêda terorîsta alelade nîya. A yew hêzê terorîsto tehlukeyin o ke bi çekanê artêşa Îraqî techiz bîyo. Ma duştê yew dewleta terorîste de ke wayîrê çekanê giranan a, ceng kenîme. (…) No hêz duştê pêro prensîbanê însanîye der o.”

1 ŞÎROVE

Comments are closed.