Pîyaseya teknolojîya Înternetî de her roje têvereştiş û reqabetê neweyî yenê ra ci. Google nika xizmetê xo yê e-maîlî bi (ebe) xizmetê telefonî temam kerd. Xebitnayoxî nika ra tepîya DYA û Kanada de hesabê xo yê e-maîl GMAIL ra besekenê ro telefonê ban (bon) û destan bicêrê. Pê no xizmeto newe Google duştê Skype de vejîna.

Heta nika Skype pîyaseya telefonkerdiş Înternet ser o teyna bî. Bi na game ra Google wazena ke Înternet û telekomunîkasyon girê bido. No servîs hîna DYA û Kanada de gureyeno, nêzdî de welatanê bînan de yeno viraştene. No xizmet teyna seba endamanê Gmailî yo.

Bi zêdîyayîşê komputeranê destan, xebitnayox naye ra wazeno ke her çîyê xo bi yew makîna peyda bikero: cêrayîşê Înternetî, telefon kerdene, karê ofîsî sey (jê) Word ûsn. No semed ra xizmeto newe yê Google gamêda rast û muhîm a.