Xebera rojnameyê Financial Timesî ra gore ajansê Fitchî notê deynî yo wextderg yê Tirkîya sewîyeya BB- ra ard war kerd B+. Bi nê erjnayîşî Tirkîya kewte lîgê Turkmenîstan, Rwanda û Kenya. Asayîşê deynê Tîrkîya kî Fitch negatîf erjna û ard ziwan ke sîstemê fînansî yê Tirkîya dirbetin o, seba ameyoxî rîskêdo girs peyda keno.
Verba îdîayanê wezîrê ekonomî yê Tirkîya ke enflasyon bireso hûmara tekreqeme, Fitch analîzê xo de musneno ke enflasyon serra 2022î de beno %41 û 2023 de kî %28.
Ney ra kî dotî Fitch ra gore nizmkerdena notê Tirkîya demo ameyox de kî dewam bena, çike bi ceribnayîşanê metodanê populîstan hukmatê Tirkîya besenêkeno duştê nê krîzî de bivejîyo.
Lîraya Tirkîya serra 2021î de erja xo ra duştê Dollarê DYA de %40 kerdbî vindî.
