“Parazît” (Nameyo orîjînal: 기생충) fîlmê Koreya Başûrî yo namdar o. Hetê rejîsor Bong Joon-ho ra serra 2019î de ameyo viraştene. Babeta fîlmî dormeyê yew keyeyî û cuya lukse de vîyerena. Pê têvdayîşê drama, trîler, parabl, krîtîk û groteskî no fîlm bi stîlê xo no taw giran yeno rexnekerdene. Nîya hetê qayîtkerdoxan de serkewte vejîya û xelata Oscarî girewte. Heto bîn ra kî festîvalê Cannesî de Palmeya Zerrnêne û Xeleta Golden Globe dîyayî nê fîlmî.
Famîlyaya çar kesan (Kim Ki-taek, cinîya ey Chung-sook, laj Ki-woo û kêna Ki-jung) yew bano binerd de feqîrîye de ciwînê. Yew roje hevalê Ki-woo ey rê teklîf keno ke banêde dewlemendî de herinda ey de tayê rojî kursê îngîlîzkî bido. Nîya bi belgeyanê sexteyan Ki-woo keyeyê dewlemendî “Park” rê kursê îngîlîzkî dano. Ney ra kî dot waya ey kî uca de keno kar, a kî xo sey malima senedî ya ke Amerîka ra ameya, musnena. Ê kî dime ra pîyê xo sey şoforê nê keyeyî kenê kar. Tayê wext ra dima kî henî kenê ke werdpewja nê keyeyî kar ra bêro eştene. Herinda aye de kî maya xo kenê ci. Nîya pêro endamê keyeyî xo nê banê dewlemendan de kenê kar. Famîlyaya Parkî rojê seba tayê hewteyan şonê tatîl, endamê keyeyê feqîrî kî yenê banê înan ê luksî de nişenê ro. Famîlya Parkî ke semedê şilîye û pukeleke ra tatîlê xo ra rew gêrenê ra, fîlm bi surprîzan dewam keno.
Fîlm têduştnêbîyayîşê cuya Koreya Başurî û welatanê rojawanî rexne keno û nîya binhişkî nakokîya sosyale musneno. Cuya feqîran û zengînan ano çimanê seyrkerdoxan ver. Çiyo ke Yilmaz Guneyî 50 serrî raver seba kurdan kerdo, Bong Joon-ho ewro koreyijan de keno.
