Çar hewte yê ke rotox û herînayoxî Euro ser o spekulasyonan virazenê. Aksîyonerê borsa texmînê xo ga û heşî ser o kenê. Eke aksîyonî îman kenê ke wextê gayî (yanî wexto rind) -ci ra kî franskî vanê Hausse– ya kî wextê heşî (yanî wexto xirabin) -ci ra kî franskî vanê Baisse – yeno, ê taktîkê xo na rewşa pîyaseyan ra gore virazenê. Termînolojîya borsa de 10 serrî yo ke “rotişo kilmek” ya kî rotişo rakerde esto, yanî aksîyonerî bawer kenê ke borsa, aksîyon ya kî ju (yew) dovîz wexto kilm de gineno war ro. No semed ra ê raver ra mal û senedê xo roşenê ke tepîya erjan biherînê.
Tayê aksîyoneran kî aşma çeleyî de Euro henî kilmek rotîbî, çike înan pê spekulasyonanê warroginayîşê Euroyî waşt kar bikerê. Labelê planê spekulatoran henî nêgurîya, erja Euro hîrê hewteyan ra her roje pede-pede bena berze. Na saete de (02.02.2011) Euro 1,381 Dollarî de bî. Ê hîrê hewteyan de duştê Dollarî de 7% erje girewte. Prognozan ra gore no trend hetê 1,42 Dollar dewam keno, hetta vanê ke potansîyelê Euroyî seba 1,48 Dollarî esto.
Simare bravo ke sima berzbiyayise euro waxte rew ra zona, eure ez qayit kedne euro verba dolar biyo 1,43 onca bravo:)