Serekkomarê Tirkîya Recep Tayyîp Erdoganî derheqê mesela kurdanê Kurdîstanê Vakurî de vizêr da zanayene ke “Êdî çîyêde sey mesela kurdan çin a.” Şaristanê Balikesîrî de Erdoganî qiseykerdişê xo de babeta kurdan ser o şîrove kerd va ke “Nê welatî de qet yew wext meselêda ma yê kurdan çin bîye. La qetî kenê rojeve.”

Erdogan: “Ma rê kurdperwerîya sîyasîye mekerê”

Dewamê qiseykerdişê xo de Erdoganî nîya va: “Çend problemê hemwelatîyanê ma yê tirkan ke estê, hende problemê hemwelatîyanê ma yê kurdan kî estê. Çend serrî yo ke Tirkîya bi mesela kurdan meşgul kenê. No sebeb ra 40 kesî qetl kenê. (…) Çi ke rojawan o, rojhelat kî henî beno. (…) Ma polîtîkaya asîmîlasyonî rijnaye. Ma pêroyê 80 mîlyonan seba Heqî sîna. Çîyêde sey mesela kurdan çin a. Ma rê kurdperwerîya sîyasîye mekerê.”

Cewabê îddîayanê Erdoganî hetê HDP ra ame. Parlamentera Îstanbulî ya HDP Sebahat Tuncel û hemsereka şaredarîya Dîyarbekirî Gultan Kişanakî vateyê Erdoganî rexne kerdî.

Kişanak: “Duştê Kurdan de Faşîşt û Kanperestî estê”

Sebahat Tuncel no derheq de va: “Tayyîp Erdogan bi xo berpirsîyarê cumleyanê qiseykerdişê xo yo. No cengo ke ewro yeno dîyene, semedê ke şarê nê welatî ameyî xesp kerdene, yo.” Gultan Kişanak kî cewabê xo de va ke “Rast a. Tirkîya de êdî kurdî problem nîyê. Kurdî hêzo bingeyên ê demokrasî yê. Duştê naye de problemê îdareyê xirabî esto. Yew otorîte ke heqanê demokratîk û azadî ra fehm nêkeno, zîhnîyetêde kanperest û faşîşt esto.”

2 ŞÎROVEYÎ

  1. dE def be şo. merdim hende ajîtator beno. weçînayîş verî ma rê galgal keno ha fişş ewta ha hişş uca. Ma rê çi qala Kerdoganî ra? Mesele zelal a. Kurdî û Tirkî pîya nêbenê

  2. Xızır de kaleka sıma sano heme? Onder qefçile kutıkune.. hiya rast vane Tuncel ü Kışanak xanıme. cıwanik ê cıwanik!! Tırkîya de problem faşişt ê! Mıra göre k her çi^ propaqanda wo na qesê Erdoğan ponc perey nikeno Heq vo PIr vo

Comments are closed.