Serekwezîrê Tirkîya Tayyîp Erdoganî qiseyê xo de ancîya (onca) kerd eşkera ke sîyaseto tek ra nêtexelîno. Erdoganî xebitnayîşê kurdkî û rakerdişo sîyasî ser o qisey kerd.
Erdoganî va ke, waştişê zono (ziwano) dîyino resmî û otonomî provokasyon û suc o. Va, “Ju (yew) zonê (ziwanê) miletê mi esto, o kî tirkî ya”. Erdoganî kerd eşkera ke sîyasetê “ju (yew) milet, ju (yew) zon (ziwan) û ju (yew) dewlete” ra nêtexelîno.
Erdoganî qiseykerdişê xo nîya dewam kerd: “Ez poştîya (piştîya) meseleya kurdan dana, labelê ma duştê kurdperwerîye der îme. Ma de hîrê xêzê surî estê. Ma neteweperwerîya etnîk, mintiqa û dînî nêkenîme. Komara Tirkîya ju (yew) milet, ju (yew) ala û ju (yew) dewlet a. Zonê (ziwanê) xoyo resmî tirkî ya.”
Fasîstîya nîyanen qes na dînya de nîdîya. Welatune bînenî de mîlete girs, seba tarîxe xoye gonîn u tarî ef sye kene, dewlete Tirkîya suc hona dana sare Kurdî. Ar, isoniyet ninude cîna. Sima 100 serre zone jü sarî kerd qedexe, bê ar yene hona qeseykene. Mîsale niyanen dînya de tarixte hona chino.