Federasyonê Elewîyan reya çarine şaristanê Swîsî Zurîh de şewêda elewîyan viraşte. Dorê 2.000 kesî beşdarê na şewe bîy. Serekê federasyonî Alî Koyluce û serekê pîran Pîr Riza Yagmurî kî a şewe cayê xo girewt.

Pîr Riza Yagmurî qiseykerdişê xo de va ke “Kayê dewlete elewîyan ser o dewam beno. Sîyasetê dewlete derheqê elewîyan de qet nêvurîya. Verê, waşt ke kurdanê sunîyan zereyê terîqetan bikerê û kurdanê elewîyan bi propagandaya laîkîye bizeleqnê nasnameyêde kemalîst ra. Seke no bes nêbî, dima înan dest na pira ke elewîyanê Dêrsimî elewîyîye ra cîya bikerê. (…) Nimajanê îne yê sîvîlan ma jê (sey) sembolêde hêşarbîyayîşî vînenîme û selam kenîme.”

Şewa elewîyan a Zurîhî de hunermendanê kurdan Aynur Dogan, Cemîl Qoçgîrî, Ozan Serdar, Leyla Îsxan û Semazenler sahne de kilamê xo vatî.

CEWAB BIDE

Keremê xo ra şîroveyê xo binuse
Keremê xo ra nameyê xo binuse