Duştê qedexeyê dewleta tirke de bi des hezaran kurdan Wan de meydanî kerdî pirr û sîyaseto înkarkerdox protesto kerd. No pêserameyîş kî seba grevkerdoxanê vêşanîye destek bî. Dormeyê medyan û taxanê sûke hetê panzer û xeylê hezar eskeranê tirkan ame girewtene. Hîna duştê naye de şar yew mîtîngo girs de ame têlewe û seba heqanê xo vengê xo kerd berz.
Pankartî sey “Duştê merdişê hepsîyan de bêveng mendiş sucê merdiman o”, “Şima zanenê ke zere de însanî mirenê?”, “Zere de des hezarî, teber ra des hezarî grevê vêşanîye de” eştî. O taw wekîlê BDP yê Wanî Aysel Tugluk û Ozdal Uçerî dayîreyê BDP de grevê vêşanîye de bîyê.
