Ju (yew) grûba cinîyanê Deryaya Sîyaye xo jê (sey) “Cinîyê Îsyankar ê Deryaya Sîyaye” name kenê. Nê cinî na rey roja 8. adare de bi munasîbê roja cinîyan ê dinya amey pêser.

Çapemenîya Tirkîya de bitaybetî cinîy kurdan cayêde berz cênê ke tey seba heqê şarê xo pêro danê. Emser kî cinîyê Deryaya Sipîye seba heq û kulturê xo vengê xo kenê berz. Vengê xo êndî bi tirkî ney, wa bi zonê (ziwanê) xo yê dayîke de vezenê.

8. adare, roja cinîyan a dinya de, cinîya Deryaya Sipîye destan de bi afîş û paraloyê lazkî, rûmkî, hemsinkî û gurckî meydan de bîy. Tayê paraloyî nîya bîy:

“Sevdzove Nağadza Ghendike Dir Khellin” (Deryaya Sîyaye tenge der o, cinîyî ci rê wayîr vejîne), “Oxorza, Skidala, Oxoşkva”, (Cinîyî, Heyat, Xoserîye), “Erti Gza Adekhva” (Raya jukeke (teke) xovedayîş o).

Cinîyan ra Banu Ozturk hîsê xo nîya ana ra zon (ziwan): “Ma wazenîme ke duştê vîndîbîyayîşê kulturê de xo bivejîme. 1989 ra tepîya sîyasetê asîmîlasyonî bî zêde û gerek problemê zonê (ziwanê) dayîke êndî bêrê hel kerdene. Deryaya Sîyaye de nika xeylê awbendî yene viraştene. Semedê nê awbendan ra xeylê kesî bar kenê şonê rojawan û kultur û zonê (ziwanê) xo kenê vîndî. Şarê cografyaya Deryaya Sîyaye heta nika bêveng bî, labelê êndî ma vengê xo kenîme berz. Bi zonê (ziwanê) ma heyatê ma kî beno vîndî.”

1 ŞÎROVE

  1. Hen sisteme nejadperst u xirawino ke, pöre ziwanî ame qedexe kerdene. Pöre ziwanî qedexeye, hete bînrak ziwane ke 1920 sere masa de biyo are kerdene, yeno dikte kerdene.

    Tariya kemalizm, zorbariye endi sarrî ke na welat ser wesiya xo rameno endi besenikeno bixapno. Dikara vazen ke ceniyane Deryaye Siyaye tesekur bikerine. Bê ziwan heyat nibeno!

Comments are closed.