Dêrsim de peyê hewteyî de rojnameyê Yeni Şafakî seba meqaleyê xo ame protesto kerdene.

Dêrsim de rêxistinêda BDP hêrişê hewayî yê dewleta Tirkîya Kurdîstanê Başûrî û rojnameyo tirko muhafezekar Yeni Şafak protesto kerd. Seba naye kuça Senedî de organîzyonê sîvîlî û temsîlkarê partîyan amey pêser, sloganê jê (sey) “Operasyonê sîyasî yê eskerîye vindê”, “Ceng rê ney, desinde aştîye” û “Wa biciwîyo aştî” amey eştene.

Serekê BDP yê Dêrsimî Dursun Demîrtaşî qiseykerdişê xo de va ke rojnameyê Yenî Şafakî serekanê BDP jê (sey) sucdarê cengî musneno. “Ma jê (sey) partî, destebera çi ke ame, her çî seba aştî kerd, (…) la rojnameyê Yenî Şafakî ke 18. tebaxe de sernuşteyê xo ‘Qetil şima yê’ de partî û serekanê ma xo rê hedef musnay. Nê rojnameyî partîya ma jê (sey) berpirsîyara serebûtan nîşan da û seke no bes nîyo ser o kî partîya ma jê (sey) sebebê çaresernêbîyayîşê mesela kurdan îlan kerd. Hedefê nê rojnameyî yo ke bingeyê ceng, qirkerdiş û kaosî mezgê ma de bivirazo.”