Dêrsim de protestoyê awbendan

0
319

Semdê roja enternasyonel a çem, awe û heyatî ra dêrsimijan bi sloganan viraştişê awbendan hetê dewleta tirke ra protesto kerd.

Şarê Dêrsimî heta parkê Sey Rizayî ra bi slogananê jê (sey) “Munzur de awbendan nêwazenîme”, “Dêrsim bêwayîr nîyo”, “Awbendan mevirazê, rijnenîme sereyê (sareyê) to ser” şîyo.

Parkê Sey Rizayî de serekê Komela Kulturî ya Dêrsimî Alî Mukanî qisey kerd va: “Ewro roja enternasyonal a çem, awe û heyat a. Sebebê karî ra wazenê ke tebîetê ma xirabin bikerê, duştê înan de ma ewro vejîyayîme meydan. Kotî ke zulm esto, gerek uca (uza) de kî xoverdayîş estbo. Ê wazenê ke Dêrsim pê awbendan biqedênê. Her ca de awbendan virazenê. (…) No hard (erd) de merdî kalik û pîrikê ma. No hard de ma ameyîme dinya. Û np hard de benê pîl domanê ma. Mizur ma rê kalikanê ma ra nêmend, ma ey domananê xo ra emanet girewt. Û no îstîqbalo emanetkerde ma duştê barajan de nêverdanîme.”