Dewa Hakisî Dereova ya Qisle de ju (yew) peqayîşê mayînî ra di polîsê sîvîlî amey kiştene.

Xeberan ra gore, wexto ke erebeyê polîsan vêrd ra, bombaya mayînî nêzdîya Hakisî de ameye peqnayene û di polîsê sîvlî merdî. No peqayîş ser o helîkopter ra xeylê esker û tîmê taybetî ê artêşa tirke amey uca (uza).

Bomba ju (yew) mayîn bî ke dûrî ra kontrol beno. Henî yeno dîyene ke mayîn pêt bî, parçeyê erebeyî dorê 200 metreyî amey hewa eştene, lanade (lonade) peqayîşî kî di metreyî xorîn û hîrê metreyî hîra bîye.