Kayêde pêt û biheyecan ra tepîya ekîbê îngilizan FC Chelsea duştê Bayern Munîh de tepîya eştişê penaltî ebe skorê 4-3 kot ser û reya yewîne bî şampîyonê Ewropa. Stadyonê Munich de jedeye 65.000 kesî ca girewt.

Ebe startê maçî Bayern Munchen kay çîp ard binê kontrolê xo û FC Chelsea ebe taktîkê klasik zêde defans de mend. Bayern topê rind çarna, 20 daqayê viren de taye pozîsyonê golê rind ra besenikerd ke ke ju gol bivezo. Hata peynîyê Bayern Munich kontrolê kayî kontrolê xora neda, labelê 14 kornerî u hîrê şanşê golî besenêkerd ke biçarnê gol.

Deqaye 83. de Bayern Munich ebe estarê kayî Muller golê muhîm eşt u skorê kayî kerd 1-0. Na deqa de antrenorê Bayern ju xeletiye kerd u Muller kay ra girewt. Na deqara tepiya, ebe vejîyayişê Muller, Bayern kay de hezîya xo kerd vînd. Deqaye 88. dek Drogba ebe qafike golê de rindek eşt u maç kerd têduşt. Waxtê deqayê dergkerdene de Bayern ebe futbolbazê Hollandiz Roben besenikerd ke ju penalti zereye qale kero.

Peynîya eştişê penaltiy Chelsea ebe skorê 4-3 Bayern Munich demda u reya yewîne bî şampîyonê Ewropa. (Resim: Ronnie Macdonald)

1 ŞÎROVE

Comments are closed.