Komela Azada Demokratîk a Elewîyan bi munasebetê serrgêra dardekerdişê Seyîd Rizayî ra Îstanbul de ju (yew) pêserameyîş viraşt û veng da ke 74 serran ra tepîya êndî cayê mezela Seyîd Rizayî bêro eşkera kerdene. Endamanê komele aye ra kî dot waşt ke sereka Akademîya Elewîyan Aysel Dogan û serekê komele Kemal Karagoz ke hewteyanê peyênan de amey eştene hepisxaneyî, bêrê raverdayene.
Pêserameyîş de sekreterê komele Remzî Çelîkî da zanayene ke 74 serran ra tepîya tesîrê jenosîdê Dêrsimî hîna nêvîyart û dewam beno. “Jenosîdê Dêrsimî ewro bi raya dînî ra dewam beno. Wazenê ke cografya û hardê (erdê) ma bi awbendan ra xirabin bikerê (…). Bi kanperestanê fethullahijan ra wazenê ke îtîqadê qizilbaşan asîmîle bikerê. Ma ewro serrgêra dardekerdişê Seyîd Rizayî de wazenîme ke êndî dewlete cayê meyîtê Seyîd Rizayî eşkera bikero. Arşîvê 1938 bêro rakerdene.”
Endamanê BDP kî dest da kombîyayîşê komela elewîyan.
Sey Riza mara viyera, ma ey kerdime xo virr…. Zone ey gagane niya pilesneme zone xo, labele mezge ma Sey Rizara düro. J ü roze yenake onca reseme Sey Rizay u raye eyra niverime…