Efsaneyê Dêrsimî Bawa Bertal vizêr pêroj çimê xo pêro cinit şî heqîya xo. Bawa Bertal sembolanê peyênan ê Dêrsimî ra ju (yew) bî. Meyîtê Bawa Bertalî dewa xo Kyeyîkan de yeno wedaritene.

Sey Uşenî ra tepîya orîjnalêde bîn ê dêrsimijan sereyê xo na ro. Bawa Bertal bi leşa xoya derga barîye Dêrsim de hetê xeylê kesan ra zaf ameyêne hes kerdene, o bi qise û kamîya xo Dêrsim de zaf namdar bîbî. Bawa Bertal hertim kincanê tradîsyonelan de hardê Dêrsimî ser o fetilîyayêne. Taybetmendîya bîn a Bawa Bertalî a bîya ke ey her kesî rê xebere dayêne, labelê kesî ey ra qehirîyayêne. Henî ke Bawa Bertalî veyvan de cayê tewrî rindî girewtêne. No kokimo dêrsimij bi kincê xoyê temaşe, milqîdayîşê xo û numarayê bolmîşbîyayîşî çimeyê yaranîya Mamekîye bî. Heta merdişê xo Bawa Bertalî zaf cixara şimitêne, feqet hertim diqet kerdêne ke cixarayê kalîteyinî bîyêne.

Hîkaye û meseleyê Bawa Bertalî zaf bîy. Nameyê ey ge-gane bi polîsanê îşkencekerdoxanê tirkan, ge-gane bi eskeranê tirkan ke dewan de operasyon viraştêne, ravêrdêne. Kesî nêzanayene ke kamcîn hîkaye yê Bawa Bertalî bî û kamcîn hetê şarî ra ame vatene, labelê çi ke esto her kes derheqê Bawa Bertalî de qisey kerdêne.

4 ŞÎROVEYÎ

    • Ama pisingan ra durî bo! Xêrqewil pisingan ra zaf tersene, wi$îyene pêro.

  1. Ju sembolê girsê Dêrsim onca resa heqiya xo. Caye xo rind u rindek bo. Isone maye qan ra zone ma u kulture mak tena tena qedîno. Buste Bawa Bertal ik löye Sey Usen kere.

  2. Mike na xebere wont,zere mıra çi qurfiya….Mı bava Bertal par Dersimde di,onca cigara xo deste biye,,cenc zof kunera cı….cae xo cenet bo…
    ti rast vana bra meymane usar,gereke Belediya Dersim buste bava Bertal löye sey Usen de virazo….

Comments are closed.