Resim: jerine

Deyîrbaza îngilize Amy Wînehouse roja 23.07.2011 de Londra de merde. Derheqê semedê merdişê aye de hîna enformasyonê zelalî çin ê. Ju (yew) otopsî do şertanê merdişê aye îzeh bikero. Wînehouse 27serrîya xo de muptelaya alkol û narkotîkan bîye.

Amy Wînehouse, hunermendêda girs a neslê cêncî, 27serrîya xo de çêyê (keyeyê) xo de merdîye ameye dîyene. Xora xeylê serran ra problemê Wînehouse bi alkol û madeyanê narkotîkan estbî. A çend rey sahne ser o xo ra şîbî, nêweşxaneyan de mendêne. Melumatanê polîsê Londra ra gore semedê merdişê deyîrbaza îngilize hîna bellî nîyo. Merdişê Amy Wînesouse ser o bi hezaran heyran û dostê Amy Wînehouse banê (bonê) aye de amey pêser.

Albuma Wînehouse ya dîyine “Back to Black” 10 mîlyonî ra zêde ameybî rotene. Heta nika Amy Wînehouse panc (ponc) reyî xeleta Grammy girewtîbî. Albuma hîrêyine kî gerek emser bivejîyo pîyase.

1 ŞÎROVE

  1. Ju deyrbaze hunerin biye. Venge aye zof qayile mi siyene. Kare showe musik niya insan weno qedeneno. Ez vanke show business cena xoye problemen werd. Na xebere dika wend ne, nika cd ye aye kerd ne radon u hesnen. Bine mirozin…

Comments are closed.