Îndeksê aksîyonanê fîrmaya amerekayije Amazon rekor bi rekor raver beno berz. Seba ke karê Amazonî no taw rind o, aksîyonerê dinya kî pereyê xo kenê senedê Amazonî.
Amazon rotoxê Înternetî yo global o, 150 welatan de muşterîyê xo estê. Amazon CD, musîk, çîynermê komputure, DVD, kitab, kinc û xeylê çîyanê bînan Înternet ser o pêşkêş keno. Sukseyê şîrketê amerîkayijî o yû ke stratejîya xo demanê neweyan rê rind adapte kerdîbî û henî hertim produktê neweyî vetî. Nîya hem muşterî hem kî aksîyonerê Amazonî bîy memnun.
Erja îndeksê aksîyonanê Amazonî no taw 216 Dollarî (20.07.2011) ra girewtoxî vînena. Kursê askîyonanê Amazonî serra 2009 de 50 Dollarî bî, di serran de bî çarqatî. Pisporanê fînansî ra gore, bi rastkerdişo qijkek, mabênê 6 aşman de aksîyonê Amazonî do bivejîyê 250 Dollarî ser.
