Weçînitiş ra tepîya pêgirewtişê sîyasetkaranê kurdan şaristanê Dêrsimî de dewam keno. Na rey bi qerarê Dadgeha Cazaya Giran a 3. ya Meletî ra serekê BDP ê Dêrsimî Suat Demîr hetê polîsan ra ame berdene bi Meletî.

Destê şodirî de xeylê memuranê polîsî Demîr çêyê (keyeyê) xo ra girewt û bi tomofîl ra berd Meletî. Seba ke qerarê pêgirewtiş nêame rusnayene bi Suat Demîr, ey besenêkerd ke duşt de bivejîyo.