Roja 11.06.2010 de kupayê şampîyonîya dinya yê 2010 Afrîkaya Başûrî de dest keno ci (dest pêkeno). Bi mîlyaran însanî do qayîtê maço verên bikerê, no kupayê dinya yo 19. musabeqaya tarîxî ya. 11. hezîrane ra heta 11. temmuze tam 64 kayan de zerrîya futbolheskerdoxan Afrîka de dana piro. Heta nika favorîyo qetî çin o, beno ke emser kî Afrîka ra yew (ju) ekîb sey (jê) suprîs ser bikuyo (bikewo). Goreyê serekê FÎFA Joseph Blatter, “Afrîka heq kerda ke ma îtîbarê xo bi aye bîyarîme. No heyecano tewr girs yê dinya yo.”
Wa ma DêrsimInfo ra emser va, çayê ma kî keyfê xo pê kupayê dinya ziwanê (zonê) xo de mîyarîme? Seba naye ma wextê pêro şampîyonîya dinya de bitaybetî futbol ser o eleqedar benîme, kupa game bi (be) game taqîb kenîme. Cêr ra ma planê kayanê kupayî viraşt ke her maç ra tepîya aktualîze beno. Aye ra kî dot ma seba şima planêna viraşt ke şima şîkîne xo rê çap bikerê û çê (keye) de her maç bi xo bi kirmanckî taqîb bikerê.
