Muammer Kaddafî vizêr hetê serewedaritoxan ra ame kiştene. Kaddafî 42 serrî bi desto çîp hukmatê Lîbya ramitîbî. Des aşm ê ke hêzê NATO û serewedaritoxan cerebna ke hukmê Kaddafî birijnê.
Kaddafî 69serrîya xo de şaristanê ke tede ameyo dinya, Sîrte de, konvoyê xo de ame kiştene. Bi kiştişê Muammer Kaddafî gerek NATO kombîyayîşo taybetî de peynîya cengê Lîbya îlan bikero. Serekkomarê DYA Barack Obamayî rojnamegeran rê da zanayene ke “Lîbya de şoreş kot ser.”
Enformasyonê ajansanê xeberan ra gore Kaddafî verê cande kot destê serewedaritoxan. Fîlmêde vîdeoyî de ke hetê kanalê Al-Arabîya ra ame musnayene, Kaddafî cande la dirbetin yeno dîyene. Xeylê kesî kî dormeyê ey cênê û danê ey ro. Resimo peyên de Kaddafî bi dirbetê sereyî (sareyî) yeno dîyene. Vatena doktoran ra gore Kaddafî hem sere (sare) hem kî pîze ra ame panayene.
Kaddafî ra teber kî wezîrê îstîhbaratî Abdullah al-Senussî û wezîrê asayîşî Abu Bakr Junîs amey kiştene. Peşewe kî ame dayene zanayene ke di lajê Kaddafî Saîf al-Îslam û Mutasîm kî kişîyay.
(Resim: Abode of Chaos)
Nuk musneno ke na dinya de sare ma kes re bawer mekero. 41 serre werte inu u dugele bini rind bi u na serre xafilede ame vatene ke Kaddafi diktatoro. Ne lao, eke diktator bi sima na 41 serre de kot bi. Chirace, Sarkozy, Berleconi, Erdogan pöre lew kerdene eyra. Kaddafi ke diktatore, serek wezire Tirkiya cike? Tirkiya da hona mektebe kirmancki qedexe yo, 40.000 kurdi amey kistene, 100 serrede 2 milyon kesi ame sarebirnayene. Ama ci iso ke, inure dugele rojavani dae nivane. Yane sare mak endi fam kero ke, her ci ekonomiyo, pere yo, kare yo. Birayen, asiti sanika domenuna.