Parlamentoyê şaristanê Colêmergî nameyê pirdê Çetîn Doganî bi rayanê pêro parlamenteran vurna. Orgeneral Çetîn Dogan serdaranê artêşa Tirkîya ra yo ke nika rîyê dewaya Ergenekonî ra hepisxane der o.
Parlamentoyê Colêmergî nameyê pirdî vurna, hurendîya (herinda) nameyê orgeneralî de nameyê Yildirim Ayhanî na pa. Yildirm Ayhanî hetê eskeranê Tirkîya ra no pird ser o hewteyo verên ameybî kiştene. Ayhan endamêde BDP bî. No qerar hetê 14 endamanê BDP û 1 endamanê AKP ra ame qebul kerdene.
Xeylê şaristananê Kurdîstanî de nameyê paşa û qumandananê artêşa Tirkîya ke Kurdîstan de hukmê xoyo zordestî ramitêne, pird, kuçe û meydanan ser o panîyaye yê. Serranê peyênan ra bi nat nê nameyî hêdî-hêdî yenê vurnayene.
