(Resim: Alessio85)

Serekwezîrê Îtalya Sîlvîo Berlusconî na rey henî qehirîya (qarîya) ke welatê xo jê (sey) “welatêde cîyê cîyan (gîyê gîyan)” name kerd. Duştê na vatena xo de Berlusconî hîna wazeno ke hukmat de bimano.

Şarê Îtalya hetê ra Berlusconî ra hes nêkeno, heto bîn ra kî skandal û xeberan ra hes keno. Seba ke Berlusconî xeylê feqirîye ante (onte) û nika merdimêde (mordemêde) dewlemend o, o Îtalya de hîna populer o. Hem serekê hukmatî yo hem kî seba xirabroniştiş-rauştişê xo meşhur o. Mesela, seba partîya “bunga-bunga” bi fahîşan, operasyonê rindekîye, rişwet ûsn. Berlusconî Îtalya û pêro dinya de bîyo namdar. Bi 74serrîya xo serekwezîrê Îtalya hîna ge-ge zîyaretê dadgehan keno.

Na rey kî Berlusconî qiseykerdişêde telefonî de Îtalya rê xeber da, va ke welat o ke cî (gî) de mendo. O qiseykerdişê telefonî ra kî bî eşkera ke Berlusconî 500.000 Euroyî daybî merdimê (mordemê) ke ey rê çêneke (kêneke) arda û ke nê merdimî (mordemî) na mesele ser o fekê xo ramekero. “De mi rê vajê ke ez çênekanê (kênekanê) cêncan de kuna ra. Na guna mina tek a. Ez her karê xo de pak û rind a. Eke nîya dewam bikerê, ez no welatê cîyê cîyan (gîyê gîyan) terk kena şona.”

1 ŞÎROVE

Comments are closed.