Turnuvaya girs a sporê bîsîkletî Tour de France (Turê Fransa) emser reya 98. yena viraştene. 22 ekîban ra 198 atletê bîsîkletî germê wisarê Fransa de 3.430 kîlometreyan de xo erzenê têver. Favorîyê emserênî Alberto Contadoro spanyol, Lûksemburg ra Andy Schleck û Almanya ra Tony Martîn o.
Tour de France serra 1903 de dest kerdîbî ci û a serre ramitoxê bîsîkletî yê Fransa Maurîce Garin verên ameybî. 1940 ra heta 1946 semedê cengê dinya yê dîyinî ra turî nêame viraştene. Werteyê serranê 1999 û 2005 de atleto amerîkayij Lance Armstrong 6 rey têdima no tur de şampîyon vejîya û rekorêde berz na ro.
Tour de France de 21 rojan de spor ra teber kî cayê turîstîkî yê Fransa hetê seyrkerdoxanê televîzyonî ra yenê dîyene.
