No taw xeyle fîlmê newîyê ke rexneyê kapîtalîzm kene sînemayan de ca cenê. Nê fîlmî hete yew ra persê xo sanenê bêteduştîya werteyê însanan û heto bînî ra kî rexneyê xo ebê heyf anera ziwan. No trend raştîya xo de ebê fîlmê Koreyî „Parasîtê“ dest kerd bî. Nîya mordem besekeno ke no fîlm sê yew katalîzator bîvîno. Dima ra tayê fîlmê bînan na reçe girewtî: „The white lotus“, „The Menu“, „Glass Onion“ û „Triangle of Sadness“ dînan rê tayê numuneyê. Nê fîlman de cuya dewlemendan ebê rexneyî yenê musnayene û game bi game lortan ra heyf yeno girewtenê. Labelê mordem gereke ke vazo, çike seyrkerdoxan no tema ra hes kene, ebê zerya ra sone qayite nê fîlman kene û peynîyede onca fîrmanê sê Netflîx, HBO usn. kasayê xo kenê pirr.
Triangle of Sadness yew fîlmo rejîsorê Swedizo Ruben Östlund o. Östlund ebê no fîlm par xelata Palmeya Zernina Cannes girewt bî. Fîlmo xu yê 2017 „The Square“ ra tepîya Östlund no fîlmê xo de kî zengînan leqe keno, ebê milkîkerdene înan saneno ju yatê luksî ser, uzara keno awe û ano ju gîrawa govîye. Dika de şerkerdoxan ra musneno ke lorte ke serê perey û zernî reqeşîne, rastîye de dest û bara xo ra dawe nîno. Henîyo ke besenêkene werdisê xo peda bikere. Ê girawe de vînene ke pereyê ya kî zernî ya kî rolexê ke dest dere ya kî rindekîya înan ya kî kincanê dînanê modayan pere nêkeno.
