Emser Musabeqaya Hîkaye û Şîîran a Kovara Vateyî ya dîyine ameye viraştene. Qerarê viraştişê musabeqa guciga emserî kombîyayîşê Vateyî yo 33. de îlan bî. Beşdaran besekerd heta 18.12.2020 eseranê xo birusnê redaksîyonê Vateyî. Pereyê xelate seba cayo yewin 3.000 TL, seba cayo dîyin 2.000 TL, seba cayo hîrêyin kî 1.000 TL yê. Eseranê ke xelata yewine girewte, kovara Vateyî de neşr benê.
Endamê jurîyê şîîran Mehemet Malmîsanij, J. Îhsan Espar û Bedrîye Topaç bîyî. Endamê jurîyê hîkayeyan Denîz Gunduz, Pinar Yildiz, Nadîre Guntaş Aldatmaz bîyî. Semedê çorrê COVID-19î ra, merasîmê xelatdayîşî bi beşdarîya sînorkerdîye ame viraştene. 18.12.2020 de xelatgirewtoxî, endam û kedkarê Vateyî ofîsê Vateyî yê Dîyarbekirî de ameyî têlewe. Badê qeseykerdişê redaksîyonê Vateyî, netîce ame îlankerdene.
Xelatgirewtoxî nê yê:
Beşê şîîran:
- Dilo Bargiran
- Îdrîs Yazar
- Îbrahîmê Xaşxaşe
Beşê hîkaye:
- Yaqub Guven
- Erkan Yildirim û Îfran Akdag
- Hesen Polat û Cuma Karakuş
Mehemed Malmîsanijî xelatî dayî, pêro xelatgirewtoxî pîroz kerdî û va ke “Ewroyî ra tepîye barê şima hîna giran beno. Ma hêvî kenê ke ney ra pey eleqeyê şima yê seba ziwanê ma hîna bizêdîyo û dewamê xebatanê şima zî bêro.”
