Îbrahîm Keîvo serra 1966 de sey lazê yew kurd û yew armenîye şaristanê Hassakeh (Rojawanê Kurdîstanî) de ameyo dînya. Jenosîdê armenîyan dima, maya Keîvo û nêzdîyê aye Mêrdîn ra bar kenê şonê Rojawanê Kurdîstanî. No semed ra Îbrahîm Keîvo domanî û cêncîya xo de xeylê ziwanî museno û ewro hewt ziwanî de kilamanê xo veng dano. Keîvo ge lawikê kirmanckî, ge şîyarê dejanê armenîkî, ge-ganek kî kilamê xorî yê îtîqadê êzîdî pîya rameno. Vengê ey melodîyê hezar serranê drama, mirozînîye, keyf gineno goşanê însan. Îbrahîm Keîvo bi nasnameyê xo, vengê xo yê zelal û ziwanê xo yê hunerin duştê asîmîlasyonî de vindeno, merdim ey ra heşneno ke bê asîmîlasyon kulturê kurdan senîn weş û hêca yo.
Îbrahîm Keîvo heto bîn ra kî enstrumanê sey temur, buzok û kemençe cineno û xeylê welatan de, sey Ewropa, Sûrîye, DYA û Kurdîstanê Başûrî de konser û festîvalî de vejîyo.
Keîvo bi vengê xo yê otantîk û bi girêdayîsê xo yê pêt yê kulturê xo, yew efsaneyo erjaye yê Kurdîstanî yo.
Hunere harde Mezepotamya niya ro, her kes gos ser kero u bihes no. Kilame Keivo zof si qayile ki, ci hefyo ke ez ey hata nika nasnekerdine. Ju sarri yo ke raye xora sono, beno rindek dewlemend, sarro ke raye binura sona, beno qefcil, xora vurrino, mordem besenikeno ke nas kero. Her biji Keivo, xuda û xizir û zerdest tore emre derg bidero.
Nê vengî de, reng û vengê Kurdistanî zimeno. Ci ra quwet bo.
Xora Xizir amo camerdîye ke “je lazê ju kurd û ju armenîye…” amo dîna. Eke je çîye de bîn bivîyene ma se kerdene 🙂
No çeku “je lazê…” zonê ma wo???
Bira Bertal; Ti ke wazena zonê xo ra xêyre bikerê,gereke endî vîst serre reyêna ‘lazek, lacek, lajek’ ser o mevinde, gramer bimise. Endî bizane ke ‘no çeku’ xelet o. Çike ‘çekuye’ makî ya. Coka gereke ‘na çekuye’ bibo. Nê çîyî endî zelal ê. Weşîye de bimane.
Bira giramerê to rind o, xorê xojî bo to bo, ama to vatena mi fehm nîkerda !! Persê mi reyena biwane, birawo delal. çimanê to ra paç-maç kena 🙂
Ez sina na konser sera 2012 Osnabrückte de bi…zof rindek verd,orkestra,Aynure,Ibrahim pöre zof rind bi…mi belka no video des reye qayit kerd,hona bezar nebine….:))