Swêd, welatê Estareyê muzîkê popî ABBA vizêr ebe deyrbaza Loreen bi kilama xoyê “Euphoria” Eurovizyon de cayê yewin girewt. Peyê Swêd cayê diyine Rûsya ebe Buranowski Babuschki „Party For Everybody!” û cayê hireyinek Sirbîstan ebe deyrbazo namdar Zeljko Joksimovic „Nije Ljubav Stvar” girewt. Ebe kilama mîstîka popî deyrbaza swêdî Loreen fînalê kilamî de welatê Ewropa ra 372 puan girewt u na şewe 113 puan ra verenîya komela kokimanê Rûsya qedena.
Ebe na serre Swêd hata nika 5 reye Eurovizyon de yewin ame. Tewr kilamê namdarê ke hata nika ame wendene îyê ABBA “Waterloo” bî.
