6 warantişê bêpereyî

No wisar 6 programê warantişê yê tewr rindî û bêpereyî nê yê:

• Avira AntiVir Personal: Înternet cayêde tehlukeliyin o, tede vîrus û xeylê programê xirabinî estê ke zerar danê komputuran. No semed ra gerek merdim (mordem) komputura xo rind bisevekno. Programê antîvîrusî yê Avîra bêpere û zaf efektîf o. Lînkê warantişî: http://www.avira.com/en/avira-free-antivirus
• OpenOffice: Programê nuştiş ya kî ofîsî jê (sey) Mîcrosoft Word normal de baha yê. Ju (yew) alternatîf programo bêpere OpenOffîce yo. Tede programê hesabkerdişê tabloyî, nuştiş, prezentasyon, grafîkî ûsn. estê. Aye ra kî dot xebitnayox bi OpenOffîce ra şikîno formatê Mîcrosoftî jê (sey) Word ûêb. rakero, biwano û biçarno PDF. Lînkê warantişî: http://download.openoffice.org/index.html
• Skype: Bi Skype merdim (mordem) besekeno ke Înternet ser o bêpere telefon bikero. Bi kamera kî qiseykerdiş mumkîn o. 46 mîlyonî însanî Skype komputuranê xo ser o xebitnenê. Lînkê warantişî de heto çep de şima şikînê zonêde (ziwanêde) bîn weçînê: http://www.skype.com/intl/en/get-skype/
• IrfanView: Programê resiman o ke bêpere yo. Bi IrfanView merdim (mordem) besekeno ke resiman rakero, bivurno û eyar bikero. ÎrfanVîew raver ra hetê programviraştoxêde armenî ra ameybî viraştene û 70 formatanê resiman keno ra. Lînk: http://www.irfanview.com/languages.htm
• Free PDF Converter: Bi no program ra xebitnayox besekeno dosyaya Word, yê Excelî, grafîkan ûsn. zaf rehet biçarnê formatê PDF. Lînk: http://www.dopdf.com/languages.php
• Nero BurnLite 10: Merdim (mordem) ke wazeno muzîk ya kî dosya ke zereyê komputure der ê, bikero CD, DVD ya kî Blu-Ray, no programo bêpere zaf fayde keno. Lînk: http://www.nero.com/eng/downloads-nbl-free.php