1000 fîlman ra 1: “Lilja 4-ever”

0
204

Bi rêzenuşteyo newe ma wazenîme fîlmanê tewr rindekan yew ca de bîyarîme pêser. Bi fîlmêde sînemaya Danîmarka/Swêdî ra dest cikenîme.

Mewzûyê nê fîlmî serranê giranan rijîyayîşê Yewîya Sovyetan ra dime yo. No fîlm de seyrkerdox vîneno û fehm keno ke cêncî senî kûnê raya xirabine. Lîlja, çêneka 16 serran, hetê maya xo ra şaristanê Estonya Paldîskî (nêzdîyê Talînî de) tena yena caverdayene. Badê ke maya aye şona Amerîka, aye ra êndî çîyê nêheşnena. Lîlja bi yew hevalê xo yê xeyalî heyatê xo eyar kena. Labelê her çî sey hewn nîyo û coka bextê Lîlya sîya maneno. Lajekê pê aye xapneno aye rusneno Swêd. Uca de Lîlja ceribnena ke dest bi heyatêde teze bikero.

Fîlmê “Lîlja 4-ever” bi ruskî, swêdkî û ingilizkî yo. Fîlm eslê xo pratîkê ke serranê 1990 de welatanê rojhelatê Ewropa de amey dîyene, uca ra cêno. Serranê 90an de xeylê cinîyî sey fîlm de amey remnayene. Fîlmêde dramatîk û mirozin o, hîsdarî û zereveşayîya însanî rê veng dano.

Dergîye: 109 deqayî

Welat: Swêd | Danîmarka
Ziwan: Ruskî | Swêdkî | Îngilozkî

Kaybazî:

Oksana Akînshîna – Lîlja
Artyom Bogucharskîy – Volodya

Fîlm bi binnuşteyanê îngilizkî tîya ra qayît beno: Link