Goreyê merkezê çapemenî yê YPG ra operasyonê duştê DAÎŞ başûrê Girê Sipî û Silûk de dewam benê. Yew operasyonê YPG vakurê rojhelatê Ayn Îsa de ame viraştene.
Îzahatê YPG ra gore “Bi netîceyê operasyonî, 8 km yê vakurê rojawanî yê Ayn Îsa de, nêzdîyê dewa Elî Becelîye de yew kuwareyê genimî kewtî destê hêzanê ma. Aye ra kî dot hêzê ma yew mezraya ke nameyê ci nêna zanayene, çeteyan ra pak kerde azad kerde. Hûmara merde û dirbetinanê çeteyan hîna tesbît nêbîya. Di hevalê ma ke nê operasyonî de rolêde muhîm kay kerd, pêrodayîşê nêzdîyê kuwareyî de bîyî şehîd.”
Başûrê Girê Sipî de hêzê ke hetê Kobanê ra ver bi Ayn Îsa şîyî, dewê Şêradê, Eglîl, Hoşên, Şerdik, El Manad, El Imad, Masura, Xalidiyê, Sersûh, Ewidiyê û Ewidan kerdî azad.
