Metîn Ustundagî serra 1961 de Erzingan de ame dinya. May û pîyê Metînî Ustundagî Dêrsim ra bar kerdê şîyê Erzingan û tepîya Malatya de nişt ro. Ustundagî mektebo mîyanên û lîse Arapkir de qedêna û tepîya şî Anqara de unîversîteya ITÜ de û tayê kî unîversîteya Îstanbulî de wend. Yê Ustundagî çar dîplomayî û masterê xo estê.
Ustundag yew (ju) qeseyê xo de derheqê dewa xo de nîya vano: “May û pîyê mi kî Dêrsim ra şîyê Erzingan. Dewa ma Dêrsim de yew dewa kan a armenîyan a. Koyê ma de zaf dewê dûrî bîbî. Şarê nê dewan merdimê (mordemê) zaf rindî bîy, mêmanperwer bîy. Ma ge-gane şîyêne înan de mendêne. Werteyê nînan de kirmanc û armenîy estbîy. Ma karîkaturanê ma de nê dewijî ardê ziwan. Raver ra ma tersayêne ke vajîme nê kirmanc ê, la nika êndî (êdî) vanîme ke qehremanê karîkaturê xo kirmancê ma yê.”
Metîn Ustundag xeylê serran ra karîkaturan virazeno. No wext seba kovara karîkaturan Penguen gurîno.
