No çar Londra de leweyê parkê Hyde de banê (bonê) neweyî yenê viraştene. Ban hîna nêqedîyo, hama zêdeyê ci heta nika ame rotene. Yew (ju) merdimo (mordemo) anonîm hewteyo verên de yew dayîreyê ke no apartman der o, seba 168 mîlyon Euroyî herîna. Bi (ebe) na erja no dayîre dayîreyo tewr baha yê dinya yo.
Zereyê apartmanî de hewt oda estê û nê odayî di qatan de benê vila. Seba ke adresa nê apartmanî “Hyde Park 1” ya û pencere û balkon ra însan besekeno qayîtê Hyde Parkî bikerê, wayîrê neweyî na erja da ci. Kovara Luxistî ra gore name û nasnameyê herînayoxî nêno zanayene, labelê rojnameyê Îngilîstanî texmîn kenê ke şêxêde ereb ê petrolî no ban xo rê herînayo.
Ban hîna awanîye der o û peynîya na serre de gerek biqedîyo. 65% yê banan ke 25 mîlyon Euroyî ra erjan ê, heta nika amey rotene. Xeylê herînayoxî rojhelatê miyanênî ra yenê. Nê banan ra kî wezîrê karanê teberî yê Qeterî Sey Hamadî par seba 125 mîlyon Euroyî ra herîna.
