Pêro dinya de xiristîyanan roja 24./25. de roşanê Noelî pîroz kerd. Papa Benedîkt XVI. Bazîlîkaya Petrusî de waezê xo de venga însanan da ke zerrîveşaye û mutewazî bê. Papayî kî bazirganîkerdişê Noelî rexne kerd.

Şaristanê mayaxorabîyayîşê Îsayî Beytullahîm Şerîyaya Rojawanî de patrîkê Quddusî Fuad Twalî seba aştîya Rojhelatê Mîyanênî minete kerd. Beytullahîm de bi hezaran dîndarî amey têlewe ke roşan pîroz bikerê. Patrîkê katolikî ê Quddusî Fuad Twalî waezê xo de seba Rojhelatê Mîyanênî aştîye, îstîqrar û ewlehîye waştî. Aye ra kî dot va ke gerek Sûrîye, Misir, Îraq û Afrîkaya Vakurî aşt bê.

Twalî kî rewşa fîlîstinijan rexne kerd. Ayîn de kî serekê Fîlîstînî Mehmûd Abbas beşdar bî. Abbasî aşma êlule de verê Miletanê Yewbîyayeyan (MY) de muracat kerdîbî ke fîlîstinijî endamê MY bê. Şanşê Abbasî zaf şenik ê, labelê fîlîstinijan besekerd ke bikuyê UNESCO. Seba lebata xo ya aştîya Rojhelatê Mîyanênî Twalî qiseykerdişê xo de kî sipasdarîya Abbasî da.

24., 25. û 26. kanûne de roşanê Noelî de welidîyayîşê Îsayî yeno pîroz kerdene. Dînê xiristîyanan de roşananê tewr pîrozan ra ju (yew) yo.