Şewa 86. Oscarî Los Angeles de ancîya filmê tewr rindî goreyê kategoran amey weçînitene. Emser xelata fîlmê tewr rindî şî “12 Years a Slave” (12 serrî kole). Rejîsor Steve McQueen û viraştox Brad Pîttî semedê nê serkewtîşî bi reqişîyayîsî pîroz kerd. Favorîyê emserrênî, fîlmê sey “American Hustle”, “Gravity” û “Dallas Buyers Club” bîy.
Duştê fîlmanê bînan de fîlmê Gravîty hewt kategorîyan de xelata Oscarî girewte. Kaybaz Matthew McConaughey û Jared Letoyî seba karê xo yê “Dallas Buyers Club”î Oscar girewt. Kaybazo namdar Leonardo DîCaprîoyî emser kî besenêkerd ke xelatê qezenc bikero.
Kaybaza tewr rinde kî Cate Blanchett bi fîlmê “Blue Jasmine” û bi fîlmê “12 Years a Slave” estareya newî ya Hollywoodî Lupîta Nyong’o amey.
Ez her tim vana;xeber û nusneyê magazînî, hunerî, edaletî, ekonomî û sosyalî,kulturî, weşîye, nêweşîye, tib û huquqî zaf muhim ê. Her ju hetê cîvînayîşî, heyatî, ‘zonê xo’ estê. ‘Nê zonî’ bingehê zonê esasî virazenê. Zonê ma, zêde tenya tayê kilaman de mendo.O ca de raxelesnime, her het ra vila bikime. No, tenya bi fekê sîyasetî nêbeno. Coka ke na kêyepelge,muhim a. Xebatkarê na kêyepelge ra reyêne spas kena ke, gege bi xeberê magazînî û xeberê tewîran ser o zî vindenê, weşênenê.