Xarpêt de hardlerzê giranîya 6,8

0

Kurdîstanê Vakurî de hardlerz (zelzele) qewimîya. Merkezê hardlerzê be giranîya 6,8 yê mîqyasê Rîchterî, Xarpêt bî. Şewa 24. çeleyê 2020î de, dorê saeta 20:55 de hard reya verêne lerza, o ra dime 400 hardlerzanê qijkekanê bînan pêl dayêne. Tesîrê zelzele heta Dêrsim, Dîyarbekir, Çewîg, Mêrdîn, Meletî, Êlih û Semsûr hîs bî.

Goreyê melumatê îdareyê rêxistina afate AFAD ra, 22 kesan canê xo kerdî vîndî û dorê 1.100 kesan nêweşxaneyan de tedawî gênê. Be seyan banî sey rijîyayî. Bitaybetî Xarpêt de zerar girs o. Texmînê AFAD ra gore hîna 22 kesî binê xirban der ê û pabeyê raxelesnayîşî yê. 40 însanî binê xirban ra ameyî vetene. Dewa Gezînî de hardlerzî ra 12 saetî dima, cênîkêda diganîye ameye raxelesnayene.

Hardlerzî ra dime problemê elektrîk, gaz û torra telefonan estbîyî, la ê nika hel bîyî. Şaristanê Xarpêtî de trafîk hema-hema vinderte yo. Partîya HDP heyetê rusna Xarpêt.