Dêrsimiz Welî Yildizo ke weşîya xo Pilemurîye de rameno, 12. gucige de hetê eskeranê tirkan ra tewqîf bî. Sebebê pêguretene “endamîya rêxistine” bîye. Henî aseno ke “şahîdo nimite” derheqê Yildizî de na îdîa kerde vilaye. Naye ser o Yildiz çêyê xo ra ame berdene hepisxaneyê Xarpêtî.
Avûkatê ci peyamê Yildizî neql kerd. Tede Welî Yildiz vano ke “Ma tornê Xizirî yîme, bav û ḳale ma ebe neheqîye erzîyayî hepisxaneyê Xarpêtî. Ma kî neheq kotîme na zîndanî. Mi qet ju însanî rê zerdar nêdo, mi qet ju candarî rê zerar nêdo. Çêberê mi her kesî rê rakerde bî, mi rindîye kerde. Ez raya Heqîye ra şîyûne.”
