Hetê sîyasetkarê kurdan xoserîya kurdanê rojawanî bi şayî û heybet qebul bena. Serekê kanî ê DTK Ahmet Turkî hewteyo verên şewa BDP de qiseykerdişê xo de va ke kurdan bi serran mucadele kerd û peynîye de Sûrîye de kewt ser. “Wa her kes bizano ke çar parçeyê Kurdîstanî benê yew”, Turkî va. “Sînorê werteyê çar parçeyan wedarîyê. Gerek çar parçeyî bibê azad.”

Batman de kî hemserekê BDP Selahattîn Demîrtaşî vatîbî ke hukmatê AKP besenêkeno tehemul bikero ke kurdanê Tirkîya sey Sûrîye de xoser bibê. “Nê tabloyê ucayî vînenê, qafike wenê. Ma bi tabloyê ucayî , bi azadîya Kurdîstanê Rojawanî benîme şa û heybetin.”