FC Barcelona:

Futbolbazê forvetê şampîyona dinya Spanya Davîd Vîlla bi (ebe) 40 mîlyon Euroyî ra Valencîa ra şî FC Barcelona.

Futbolbazo zafhunerin ê Brezîlya Adrîano zaf erjan bi 10 mîlyon Euroyî ame FC Barcelona. O şîkîno defansê çepî, rast û waro mîyanên de kay bikero.

Manchester City:

Futbolbazo spanyol ê forvetî Davîd Sîlva Valencîa ra vîyara Manchester City. Erjaya ey 30 mîlyon a.

Defans ra sirb Aleksandar Kolarov Lazîo Rom ra bi 23 mîlyon Euroyî ame Manchester City.

Futbolbazo alman Jerome Boateng bi 12,5 mîlyon Euroyî ra şî Manchester.

Transferêde girso bîn Manchester City Yaya Toure bî. Yaya seba 30 mîlyon Euroyî FC Barcelona ra ame Manchester City. No transfer ra Yaya bi birayê xo Koloyî pîya kay keno.

Real Madrid:

25 mîlyon Euroyî arjantînij Angel di Maria Benficayî Lîssabon ra girewtî ke Real Madrîd terk bikero.

Heto bîn ra kî seba 14 mîlyon Euroyî futbolbazo alman Samî Khedîra Stuttgart ra ame Real Madrîd.

Almanya Werder Bremen ra Mesut Ozîl kî da zanayene ke sezonêna Real Madrîd de kay keno. Vanê fîyatê transferî dorê 15-18 mîlyon Euroyê bî.

FC Chelsea:

Munaqeşeyanê hewteyan ra tepîya estareyê warê mîyanênî yo brezîlyayij Ramîres Benfîca Lîssabon ra vîyart FC Chelsea. Erjaya xo 22 mîlyon a.

Futbolbazo îsraîlij Yossî Banayoun Manchester ra ame FC Chelsea. Erjaya transferê ey 7 mîlyonî bîye û Yossî FC Chelsea de numreyê forma 10 cêno.

New York Red Bulls

Estare Fransa Barcelona ra ame New York.

Zenit St. Petersburg

Seba 22 mîlyon Euroyî kaykerdoxê Portugalî Bruno Alvez emser Zenît de kay keno.

1 ŞÎROVE

  1. Zone made sere ekonomiye wenitene zof weso.
    zone ma hona nimerdo, bere endi ju zone made qeseykerime, biwanime. wesbe dersiminfo, olvozen delali.

Comments are closed.