Şaristanê Fransa Grenoble de atletê bîsîkletî yê Awustralya Cadel Evansî reya verêne Tour de France qezenc kerd. Formaya zerrne kî hetê Andy Schlecko luksembûrgijî ra ameye girewtene.
Heta etapa Grenoble Andy Schleck 57 sanîyeyî verê Cadel Evansî de bî. Atleto awustralyayijo 34 serre ju (yew) roje de 2:33 deqayî rew reşt fînal û no rî ra kot virênîya Andy Schleckî. Schleckî hîsê xo bi hesîranê xo musna û va, “Ez rêça planê xo ra ke ma viraştîbî, şîya. Sanîyeyê ke ma rê lazim bîy, ma ewro girewtî. Nika ez pêro dinya virare kena, hewnê mino kan nika bîyo rast.”
Etapa Grenoble ya ke 42 kîlometreyî derg a, hetê alman Tony Martîn ra ame qezenc kerdene. Atletê 26serreyî bi wextê xo yê 53:33 deqayan musabeqa Evansî ra ver qedêna. Na etape de Tony Martîn Evansî ra 7 sanîye ra ver xêze vêrd ra. Hîrêyin kî spanyol Alberto Contador ame ke par û pêrar Tour de Fance de kotîbî ser.
Spikere TV wake,dinade en zof millet qayite na “Tour de France” keno yani canli. Millet di hire roza raver sone koude cadire de kunera ke cae rindek bijere…