Resim: jabV

Çend serrî yo ke şaristane tewr vay ê dinya Tokyo yo. Krîzê ekonomî û felaketê nuklerî cayê Tokyoyî nêvurna. Statîstîkê ECA ra gore Tokyo emser reyna werteyê 400 şaristanan de cayo juyin (yewin) girewt.

Tokyo ra dime cayo dîyin de Oslo, hîrêyine de Nagoya (Japonya) û aye dime onca (ancîya) Norweç ra Stavanger yeno. Na lîste ra gore şariştanê Japonya û Norweçî şaristanê tewr bahalî yê dinya yê. Înan ra tepîya Zurîh (6.), welatê Angola de Luanda (7.), Cenevre (8.), reyna Japonya ra Kobe (9.) û Bern (10.) lîste de ca cênê. Naye ra goe merdim (mordem) besekeno vajo ke Japonya, Norweç û Swîs welatê tewr vay ê dinya yê.

Tayê şaristananê bînan ê na lîste nê yê:

  • Londra (20.)
  • Barcelona (34.)
  • Berlîn (35.)
  • Munîh (60.)

Şaristanê tewr erjanî yê cîhanî kî metropolê Pakîstanî Karacî û şaristanê Moldavya Chîsînau yê.