Semedê berzbîyayîşê nîsbetê kredîyan ra, Tirkîya game bi game kewena binê rîskêde girs. No tena rîzîkoyê deynê xerîbî ney, labelê bitaybetî krîzê bankayanê zereyî yo.
Bi berzbîyayîşê faîzê DYA, no rîsk kî beno zêde. Çin û Brezîlya netede, welatê dinyaya 3. duştê berzbîyayîşê faîzê DYA de lerzenê. Eke Hasilatê Zereyî de têver ro nîme, faîzê kredî wextderg %16,6 berz o. Tarîx ra bellî yo: eke yew welat de na reqeme %10 ra zêde r’ o, îhtîmalê kewtişê krîzê bankayî 3 ra 2 yo.
Lebata girse ra dime Tirkîya besekerd ke xo krîzê 2008 ra raxelisno, la no raverşîyayîş bitaybetî tena sektoranê awanîye û bi dayîşê kredîyan peyda bîyo. No dem de faîzê deynan zaf bîyo berz û xeylê kredîyê bankayan ê xirabinan ameyî dayene.
No sebeb ra bawerîya sermayegozaranê mîyanneteweyîyan pê Tirkîya zaf nêmende. Tirkîya ra bi mîlyarî Dollarî ameyî peyser antene. Borsaya Tirkîya bi %30 rijîya û dovîz duştê Euro û Dollarî de %30 yê erja xo kerde vîndî. Seba ke zafêrîya deynê Tirkîya bi Euro yan Dollar ame girewtene, berzbîyayîşê nê dovîzan seba Tirkîya rîzîkoyêde girs o. Texmîn beno ke no trendo dewam bikero. Coka ajansanê ratîngî ratîngê Tirkîya vurna kerd kêmî.
