Weçînitişê 30 adare ra şaristananê Tirkîya de partîya Recep Tayyîp Erdoganî, AKP, û Kurdîstan de kî BDP serkewte vejîyay. Bitaybetî partîya muhafezekara kemalîste CHP xeylê cayan de besenêkerd duşte AKP de vejîyo.

BDP Amed, Mêrdîn, Colemêrg, Wan, Şirnex, Sêrt, Agirî, Êlih, Bidlîs, Reşqelas (Îdir) û Dêrsim qezenc kerdî, aye ra kî dot 92 qezayanê Kurdîstanî de serfiraz vejîya. Erzirom de reya verên a ke BDP çar qezayî de verên ameye. Xarpêt de kî newe yo ke yew partîya kirmance besekerd qezayêda beledîya bicêro. Dep de endamê BDP tewr zêde rayî girewtî.

Projeyê HDP sey gama bîne bênetîce mend, HDP şaristananê Tirkîya de tena raya kurdan girewte û weçînitişo verên ra gore DTP ra kêmî rayî amey. Riha de henî aseno ke ereban BDP rê ney, la piştgirîya endamanê AKP kerd.

BDP Mûş, Çewlîg, Erzingan, Meletî û Qers de nêşikîya serfirazîya xo rono, uca beledîyayî şîy destê AKP.

1 ŞÎROVE

  1. mabe xêr di

    şu cümlede oblik hal kullanılması gerekmez mi?

    ” weçînitişo verên ra gore “…dolayısıyla şu şekilde => “weçinıtışê verêni ra gore”

Comments are closed.